الرئيسية
أحدث الصور
عمر الهاشمي الأربعاء ديسمبر 19, 2007 11:54 pm
شلون تخون وانته حلفت بايات
مزليكة طلعت مو درج بايات
تريد تروح مو بس باي بايات
واليرجعلك بعد نعلة علة ابية
لحد الموووت منك واصل اني
عفتني والف شامت واصلاني
قطع صرت منك ووصل اني
دلمهم خاااف تندم علية!
دك بية الدهر حيل وماهراني
لن انا بحبج خبير وماهر اني
اصيرلج فرح ونيشان ومهر آني
وخلي الخلك كلهة تحجي بية
انا بحبك كلبي هجم وصالة
تعنالة الكلب كبل الجدم وصالة
مثل اليغني بس لام كلثوم واصالة
اغنيلك بس لو تحن علية
جنت مرتاح وصافي بالي جن جن اني
ومن شفتك اسودنت وجن جناني
كمت اشوف البنات كلهن جن جناني
وبس انت الملاك بين اديه
حبيبك لو يودك صدك جايك
واخدرة من لهيب الكلب جايك
لعبتك شش ليش اطلعتلي جا يك
وقفلت الدومنة غصبا علية
حبيبي الشوگ لا تكطع وصاله
الك بالگلب جم غرفه وصاله
نجوى تروح الك فدوه وصاله
وعل واهس لطيفه التونسيه
منهواللي علن حبي وشاعه
وصلولي حچي عنك وشاعه
خذت سونار انه بحبك وشاعه
ونتيجتهه طلعت توم انته ليه
منهو الجابك لشوكي وعناك
معقوله الهوه هزك وعناك
الناس الحجت عني وعناك
تغار تريد مانكعد سويه
مجهول الهوية آنه بلاسم
ولجروح الكلب ردتك بلاسم
يحية ماي ما تاذي بلاسم
شجاكم كوبرا وصرتوا علية
انصحك يا اخوية لا تبيعة
الصاحب الباعك لا تبيعة
واذا بدينار باعك لا تبيعة
ما يسوى فلس ابن الردية
حبيبي اليوم ما بين ومايا
وبهجره نشّف دم الگلب ومايا
جبتله نانسي واصاله ومايا
وطلع يدور هيفا وهبي عليه
جنه من الدفو ياناس حظنه
تعبنه وماكعد وياك حظنه
ماريد بوسه بس ردت حظنه
ومن احظنك العباس ميفك اديه
حبيبي الشوگ لا تكطع وصاله
الك بالگلب جم غرفه وصاله
نجوى تروح الك فدوه وصاله
وعل واهس لطيفه التونسيه
مووووووووووووووووو تبيعي حبي
تسلملي يا ورد والله تخبل هاية الابوذيات
تقبل مروري يسوري الغالي
وسط الليل تكبعت ونست
ماضن لها وليف ونست
خمسه العاشرت غيري وانا السات
وبعدهي تهوف للسابع شهيه
تروح الروح بغيابك وأردهه
وكتاب جفاك يمدلل وردهه
روحي بغيابك تره يذبل وردهه
ماي انته وترد الروح بيه
كظه يومي ابحزن وانتظر غادي
او عليك الكلب مثل النار غادي
باجر من يصير احساب غادي
اشتكل لالله على السويته بيه
حبيبي ماتجس نبظي شمالي
وبعد يمناي ماتوصل شمالي
انه الجنت العذيبي شمالي
صرت شرجي وعلى العالم اذيه
اساس بعشرتي ويـاك صبيـــت
جنني الشوك وبالهوا انا صبيت
ان جان انته علية دموع صبــيت
بجيت عيــون من فركاك الــية
